Iran aýmaǵynda Irak kemesin qaraqshylar basyp aldy
NUR-SULTAN. QazAqparat - Iraktyń jeke azamatyna tıesili kemeni Iran aýmaǵyndaǵy sýda belgisiz adamdar basyp aldy, dep habarlaıdy QazAqparat Mavasin News jańalyqtar portalyna silteme jasap.
Qaraqshylar kemeni bosatqany úshin 80 myń dollar kóleminde tólem talap etýde. Keme ıesiniń aıtýynsha, onyń Iran jaǵalaýynda, Býsher portynan soltústikke qaraı shamamen jeti mıl qashyqtyqta toqtaǵany týraly aqparat bar. Býksır men onyń ekıpajy qazir qaıda ekeni belgisiz.
Basra provıntsııasynyń depýtaty Kazem Hamamı bul oqıǵa týraly Bahreındegi teńizdegi Tótenshe jaǵdaılar kezindegi ózara kómek ortalyǵyna, sondaı-aq Iraktyń «kórshi eldermen ekijaqty qarym-qatynas» úshin jaýapty tıisti memlekettik organdaryna habarlaýǵa ýáde berdi.
