Iran áýejaılary shekteýlerdi alyp tastap, jumysyn qaıta jandandyrdy

ASTANA.KAZINFORM — Iran 7 qazan kúni tańerteńge deıin áýe qatynasyna buryn engizilgen shekteýlerdi alyp tastady. Bul týraly Islam Respýblıkasynyń Azamattyq avıatsııa uıymynyń ókili Djafar ıAzerlý málimdedi, dep jazady TASS.

— Operatsııalyq kedergilerdiń joıylýyna baılanysty áýe reısterine buryn jarııalanǵan shekteýler joıyldy. Búgin 23:00–den bastap (Astana ýaqyty boıynsha 00:30) reıster ádettegideı oryndalyp jatyr, — dedi Djafar ıAzerlý IRNA agenttigine.

Buǵan deıin habarlaǵanymyzdaı, Irannyń Azamattyq avıatsııa uıymy 6 qazan kúngi saǵat 22:30–dan 7 qazan kúngi 07:30–ǵa deıin eldegi barlyq áýejaılardan reısterdi toqtatqan.

Buǵan deıin Izraıldiń Beırýtke jańa shabýyldar jasaǵany habarlanǵan bolatyn.

Aıta keteıik, Iran Izraılge zymyrandar ushyrdy. Iemen de Palestına men Lıvandy qoldap, Tel-Avıvtegi Izraıldiń áskerı nysanasyna shabýyl jasaý úshin ıAfa ushqyshsyz ushaǵyn paıdalandy.

Izraıl óz kezeginde Irannan kek alýǵa ýáde berdi.