Iran áýejaılary kópshiliginiń jumysy jandandy

ASTANA. KAZINFORM – Iran bıligi eldiń áýejaılarynyń kópshiligi jumysyn jandandyryp, áýe keńistigi ashylǵanyn málim etti.

Bul týraly Iran azamattyq avıatsııasynyń resmı málimdemesinde aıtylǵan, dep habarlaıdy Trend.

- Mehrabad pen Imam Homeını áýejaılary, sondaı-aq eldiń soltústik, shyǵys, batys jáne ońtústik óńirlerindegi áýejaılar tolyqtaı jumysyn qaıta bastady jáne olar barlyq qajetti qyzmetterdi kórsetýge daıyn,- delingen habarlamada.

Sondaı-aq onda ishki jáne halyqaralyq reıster eldiń barlyq áýejaılarynda ruqsat etilgeni aıtylǵan. Tek Isfahan men Tebrızde ǵana jergilikti ýaqyt boıynsha saǵat 05:00-den 18:00-ge deıin ruqsat joq.

Osyǵan deıin Iran áýe keńistigin jabý merzimin uzartqany týraly jazdyq.