Iran áýe kompanııasy sanktsııalarǵa baılanysty Eýropaǵa reısterin toqtatty

ASTANA.KAZINFORM - Tegeran-Parıj reısiniń jolaýshylaryna ımam Homeını áýejaıynan eýropalyq baǵyttarǵa reısterdiń toqtatylǵany týraly mátindik habarlamalar keldi. Keıinirek áýejaı onyń toqtatylǵanyn rastady, dep jazady Euronews.

Iran Air áýe kompanııasy Eýropa Odaǵynyń Iran rejımine qarsy jańa sanktsııalarynan keıin reısti toqtatqanyn habarlady.

Dúısenbi kúni Eýropalyq Odaq Irannyń jeke jáne zańdy tulǵalaryna qarsy jańa shekteýler engizip, Iran Air, Mahan jáne Saha áýe kompanııalaryn sanktsııalar tizimine qosqany aıtyldy.

IranAir, Mahan jáne Saha áýe kompanııalary buǵan baılanysty resmı habarlama taratqan joq.
Buǵan deıin Eýropalyq keńes DAISh pen Ál-Kaıdaǵa qarsy sanktsııalaryn uzartqan bolatyn.

Esterińizge sala keteıik, qazaqstandyq áýe kompanııalary Býdapesht, Rıga, Vena jáne Mıýnhenge reıster ashýdy josparlap otyr.