Iran áýe keńistiginiń bir bóligin ashty
ASTANA. KAZINFORM — Iran óziniń áýe keńistiginiń bir bóligin áýe reısteri úshin ashqanyn habarlady, dep jazady Anadoly.
Iran Azamattyq avıatsııa basqarmasynyń málimetinshe, jergilikti ýaqyt boıynsha saǵat 07:00-den bastap eldiń áýe keńistiginiń keıbir ýchaskeleri ushýlarǵa qoljetimdi bolǵan.
Málimdemede Irannyń shyǵys bóligindegi áýe keńistigi halyqaralyq reıster úshin ashylǵany, al ishki reıster qajetti retteýshi rásimder aıaqtalǵannan keıin kezeń-kezeńimen qaıta jandanatyny atap ótilgen.
Osyǵan deıin aqpan aıynyń aıaǵynda Qazaqstan Taıaý Shyǵystaǵy ahýaldyń ýshyǵýyna baılanysty Iran, Izraıl, Sırııa, Irak, Iordanııa jáne Lıvan áýe keńistiginiń ústinen, sheginde jáne mańynda ushýǵa tolyq tyıym engizgenin jazǵan edik.
Taıaý Shyǵystaǵy jaǵdaı Túrkııanyń áýe keńistigine júktemeni kóbeıtkeni de belgili boldy.
Budan bólek, Italııa, Ispanııa jáne Avstrııa AQSh-qa áskerı qoldaý kórsetýden bas tartyp, Iranǵa qarsy operatsııada ózderiniń áýe keńistigi men ınfraqurylymyn paıdalanýǵa shekteý qoıdy.