Iran áýe keńistigin jabý merzimin uzartty
ASTANA. KAZINFORM - Iran bıligi eldiń soltústik, batys jáne ońtústik aımaqtarynda ishki jáne halyqaralyq reısterge tyıym salýdy 30 maýsymǵa deıin uzartty, dep habarlaıdy Trend.az.
Bul týraly Irannyń jol jáne qala qurylysy mınıstri Madjıd Ahvan málimdedi.
Onyń aıtýynsha, ushýǵa tyıym salý jergilikti ýaqyt boıynsha saǵat 14:00-ge deıin kúshin joımaıdy.
Buǵan deıin Izraıldiń Iranǵa jasaǵan shabýyldarynan 49 áıel men 13 bala kóz jumǵanyn jazǵan edik.
Eske sala ketsek, 13 maýsymǵa qaraǵan túni Izraıldiń áskerı-áýe kúshteri Iranǵa soqqy jasady. Tegeranda jarylystardyń dybysy estildi. Izraıl tótenshe jaǵdaı rejımin jarııalap, óziniń áýe keńistigin japty. Iran Izraıl soqqysynan joǵary áskerı qolbasshylary men jetekshi ǵalymdary qaza tapqanyn rastady.
Jaýap retinde Iran Izraıl baǵytyna 100-den astam ushqyshsyz ushý apparatyn (dron) jiberdi.
AQSh prezıdenti Donald Tramp Irannyń ıadrolyq ınfraqurylymyna qarsy júrgizilgen «óte sátti» áskerı operatsııa týraly málimdedi.