Iran astanasyn Tegerannan kóshirmekshi
ASTANA. Qarashanyń 2-si. QazAqparat - Iran Islam Respýblıkasynyń Tıimdilik keńesi zilzala kezinde Tegerannyń qıraý qaýpine baılanysty el astanasyn basqa qalaǵa kóshirý týraly bastamasyn maquldady,
dep habarlaıdy QazAqparat Lenta. Rý saıtyna silteme jasap.
Mundaı usynysty Irannyń rýhanı kósemi aıatolla Álı Homenı jasaǵan. Seısmologtardyń aıtýynsha, taıaý ýaqyttary Tegerannyń aýmaǵynda joıqyn zilzala bolýy yqtımal.
Professor Bahram Akashehtyń pikirinshe, Tegeran astana retinde qate tańdalǵan. Ol qarqyndy ósip kele jatqan qalaǵa magnıtýdasy segiz ball bolatyn zilzala qaýip tóndiretinin eske saldy. «Men úkimetti budan 40 jyl buryn eskertken bolatynmyn. Eger meniń sózime sol kezde qulaq asqanda, Tegeran megapolıs bolmaǵan jáne onyń damýy baqylaýdan shyqpaǵan bolar edi», - dedi ǵalym.
