Iran astanasyn aýystyrýy yqtımal
ASTANA. QazAqparat - Iranda astanany Tegerannan basqa qalaǵa kóshirý týraly másele qyzý talqylanyp jatyr.
Bul týraly ras.kz habarlady. Budan buryn, 2013 jylǵy jeltoqsanda eldiń parlamenti atalǵan máseleni talqylaǵan bolatyn. Sonda 110 depýtat astanany kóshirýdi qoldasa, 97 adam qarsy shyqqan edi. Alaıda, sol ýaqyttan beri bul másele qaıtadan kóterilmeı qalǵan. Iran syrtqy ister mınıstri Abdolreza Rahmanı Fazlı jýrnalısterge 20 jyldan beri sóz bolyp kele jatqan astanany kóshirý ıdeıasyn prezıdent Roýhanıdiń qoldaıtynyn aıtty. «Zań shyǵarýshylar astanany Tegerannan basqa jerge kóshirý jónindegi usynysty qoldady. Ázirge jobanyń qarjylyq múmkindigi anyqtalǵan joq», - dedi Rahmanı Fazlı. Al Irannyń parlament isteri jónindegi vıtse-prezıdenti Madjıd Ansarı bul ıdeıany ómirsheń emes dep esepteıdi. Ol qarjylaı qıyndyqtar saldarynan Tegerannan barlyq memlekettik mekemeler men kommertsııalyq ortalyqtardy kóshirýdiń múmkin bolmaıtyn alǵa tartady.
Aıta keteıik, bir ózinde 8,3 mln., aınalasynda 14 mln. halyq turatyn Tegeran Orta Shyǵystaǵy eń iri qala bolyp tabylady, dep jazady egemen.kz.
