Iran astanasy Tegerannan basqa qalaǵa kóshýi múmkin
ASTANA. 17 qarasha. QazAqparat - Iranda parlamenttiń 50 depýtaty basymdyqty máselelerdiń biri retinde saıası astanany Tegerannan kóshirýdi talqylaýdy talap etti, dep habarlady RBK.
Parlamenttiń zań komıssııasynyń múshesi Abýlfazl Abýtýrabıdiń aıtýynsha, talqylanyp otyrǵan jobany Iran prezıdenti basqarǵan 14 adamnan qurylǵan jumys toby astanany kóshirý máselesin jan-jaqty qarap, bir jyldan keıin parlamentke zertteý nátıjelerin usynsa bekitilýi múmkin.
Astanany kóshirý týraly usynystar buryn da aıtylǵan bolatyn. Ony ózgertýge sebep - Tegeran halqy sanynyń ósýi jáne onyń seısmıkalyq belsendi aımaqta ornalasýy bolyp otyr. Resmı málimetterge qaraǵanda, qazirgi kezde Tegeranda 12-13 mln. adam turady.
Mahmýd Ahmedınejattiń prezıdenttigi tusynda Tegerannan 200 myń memlekettik qyzmetkerdi kóshirý jobasy bastalǵanmen, ol aıaqtalǵan joq.
Budan buryn ırandyq BAQ-ta astanany Tebrızge kóshirý týraly aqparat paıda bolǵan edi. Biraq ta qazirgi ýaqytta asananyń qaıda ornalasýy múmkin ekendigi jóninde naqty aqparat joq.
