Iran Astana protsesine qatysatyndyǵyn rastady

ASTANA. QazAqparat - Syrtqy ister mınıstriniń orynbasary Hosseın Djaberı Ansarı bastaǵan Iran Islam Respýblıkasynyń delegatsııasy Astanada 23 qańtar kúni Sırııa boıynsha ótetin kelissózderge (Astana protsesi) qatysady. Bul týraly Irannyń syrtqy saıası vedomstvosynyń baspasóz qyzmeti málim etti. 

«Iran Astanada ótetin kelissózderdiń bastamashylarynyń biri retinde bul kezdesýdiń osy eldegi soǵys pen gýmanıtarlyq daǵdarysty toqtatyp, óńirde turaqtylyq pen beıbitshilikti qalyptastyrý úshin Sırııa bıligi men oppozıtsııa arasynda dıalog ornatýǵa degen jaqsy múmkindik dep esepteıdi»,-delingen habarlamada. 

«Kelissózder Qazaqstan, Reseı, Iran jáne Túrkııa prezıdentteri arasynda jasalǵan kelisimge sáıkes ótedi. Kelissózderge daıyndyq máselesi sonymen qatar Iran, Reseı jáne Túrkııa syrtqy ister mınıstrleriniń jeltoqsannyń 20-sy kúni Máskeýde ótken kezdesýi men atalǵan úsh eldiń syrtqy ister vıtse-mınıstrleriniń Máskeýde 14 qańtarda ótken kezdesýinde talqylandy»,-dep naqtylady Irannyń SІM-niń ókilderi.