Iran «ashýlansa» Izraıldi joıyp jiberetinin eskertti

ASTANA. KAZINFORM – Iran prezıdenti Ibragım Raısı Izraıldiń Iran aýmaǵyna jasaǵan kez kelgen shabýyly olar úshin aýyr zardaptarǵa ákeletinin eskertti.

IRNA agenttiginiń habarlaýynsha, Iran basshysy Pákistannyń Lahor ýnıversıtetiniń stýdentterine: «Eger Iranǵa shabýyl jasasa, Izraılden túk te qalmaıdy» degen.

Sondaı-aq, ol Hamastyń byltyr qazan aıynda Izraılge jasaǵan shabýyly Tel-Avıv pen onyń jaqtastarynyń musylman memleketterimen qarym-qatynasty qalypqa keltirýge degen úmitin kúlge ushyrǵanyn atap ótti.

Raısı Izraıldiń Gaza sektoryndaǵy áreketterin aıyptap, olardyń 34 myńnan astam palestınalyqtardyń ólimine kináli ekenin aıtty.