Iran amerıkalyq ushqyshsyz apparatty atyp túsirdi
TEGERAN. QazAqparat - Iran AQSh-tyń ushqyshsyz ushatyn apparatyn atyp túsirdi. Iran syrtqy ister mınıstrliginiń resmı ókili Abbas Mýsavı beısenbide eldiń áýe keńistigine basyp kirýdi aıyptaıtynyn málim etti, dep habarlaıdy QazAqparat IRNA-ǵa silteme jasap.
Mýsavıdiń málimdemesi IIR syrtqy saıası vedomstvosynyń resmı saıtynda jarııalanǵan. Munyń aldynda Islam revolıýtsııasyn qorǵaýshylar Korpýsy osy oqıǵa boıynsha málimdemesinde amerıkalyq ushatyn apparat eldiń áýe keńistigin buzyp kirgenin atap ótken bolatyn.
«Ushqyshsyz apparat eldiń áýe keńistigin buzyp kirgeni úshin Hormozgan provıntsııasynyń Parsy shyǵanaǵyna kirer tustaǵy Kýhe Mýbarak aýdanynda, jergilikti ýaqytpen 04:05-te atyp túsirildi», - delingen IRQK málimdemesinde.
Atalǵan oqıǵaǵa qatysty AQSh eshqandaı ushqyshsyz apparat Iran áýe keńistigimen ushyp ótpegenin habarlady.
