Iran AQSh-tyń jańa sanktsııalaryna qarsy shara qoldanady
ASTANA. QazAqparat - Iran AQSh engizgen jańa sanktsııalarǵa jaýap retinde zańdyq shekteýler ornatady. Reuters agenttiginiń habarlaýynsha, bul shekteýler «aımaqtyq terrorıstik toptarǵa kómek kórsetetin amerıkalyq jeke tulǵalar men uıymdarǵa qatysty bolmaq».
Eske sala ketsek, juma kúni AQSh Tegeranmen baılanystaǵy 13 jeke tulǵa men 12 uıymǵa qatysty sanktsııalar engizdi. Buǵan deıin Iran zymyrandyq synaq júrgizgen edi.
- Jańa sanktsııalar Iran men «altylyq» arasyndaǵy ıadrolyq kelisimdi rastaıtyn BUU Qaýipsizdik Keńesiniń 2231 qararyna jáne AQSh mindettemelerine qaıshy keledi, - dedi Iran syrtqy ister mınıstri.
Onyń aıtýynsha, Tegeran Irannyń memlekettik múddelerine baǵyttalǵan AQSh-tyń kez kelgen áreketine laıyqty túrde jaýap qaıtaratyn bolady.
Foto: © RIA Novostı. Natalıa Selıverstova
