Iran AQSh-tyń qoqan-loqysyna jaýap retinde kúırete soqqy beretinin aıtty
ASTANA. KAXINFORM – Vashıngton Ormýz buǵazy arqyly ótetin keme qatynasy men shekteýlerdiń jalǵasýyna baılanysty Tegeranǵa qarsy jańa ekonomıkalyq sharalar paketin daıyndap jatyr, dep habarlaıdy Kazinform agenttiginiń menshikti tilshisi.
Iran Qarýly Kúshteri Bas shtabynyń bastyǵy general-maıor Álı Abdollahı juma kúni Vashıngtonnyń Iranǵa qarsy ekonomıkalyq sharalar qoldanytyny týraly málimdemesinen keıin AQSh-qa joıqyn, kúıretetin soqqylar arqyly jaýap beretinin aıtyp qorqytty.
Bul týraly IRNA agenttigi habarlady.
Álı Abdollahı málimdegendeı, Tegerannyń jaýaby birneshe baǵytty qamtıdy.
-Irannyń Qarýly Kúshteri qurlyqta, teńizde, áýede, áýe qorǵanysy salasy men kıberkeńistikte de qorǵanysqa daıyn jáne qarsylastyń qoqan-loqysyna kúırete soqqy berip, jazalaıdy,-dep málimdedi general.
Bul málimdeme AQSh Qarjy mınıstri Skott Bessenttiń Iranǵa qarsy jańa sharalar paketin jarııalaǵannan keıin jasaldy, onyń egjeı-tegjeıi dúısenbide jarııalanady dep josparlanyp otyr. AQSh prezıdenti Donald Tramp buǵan deıin Iranǵa «kez kelgen qoldaý» kórsetetin elder úshin ekonomıkalyq saldar týraly eskertti.
Bessent Vashıngton Iran basshylyǵyna qysymdy kúsheıtý úshin teńiz blokadasy men «tarıhta eń qatań sanktsııalardy» biriktirýdi kózdep otyrǵanyn málimdedi.
- Biz bul rejımdi qulatamyz. Bizdiń odaqtastarymyz ben álemniń qalǵan bóligi tańdaý jasaýy kerek, - dedi AQSh qarjy mınıstri CNBC arnasyna bergen suhbatynda.
US Treasury Secretary vows to 'collapse' Iran with new sanctions
— The Cradle (@TheCradleMedia) August 21, 2026
——
US Treasury Secretary Scott Bessent announced that Washington will implement the toughest sanctions in history against Iran, describing the aggressive financial offensive as a one-two punch that combines an… pic.twitter.com/lnwH5Q7vuf
Bul rette Bessent ekonomıkalyq qysymnyń kúsheıýin jańa aýqymdy soǵys qımyldarynyń aldyn alý áreketimen baılanystyrdy.
Onyń aıtýynsha, maksımaldy qysym saıasaty qarqyndy áskerı qaqtyǵystyń qaıta bastalý yqtımaldyǵyn azaıtýy múmkin.
Kórshiles Irakqa sapar shekken Iran parlamentiniń spıkeri Mohammad Bager Galıbaf ta Vashıngtonnyń málimdemelerine jaýap berdi.
Onyń pikirinshe, AQSh óz maqsattaryna tikeleı áskerı qaqtyǵys arqyly jete almaıdy degen qorytyndyǵa kelip, endi ekonomıkalyq qysymǵa súıenip otyr.
Iran, Iraq to stand against global Arrogance: @mb_ghalibaf https://t.co/nc22cZvSmU pic.twitter.com/qSU3BWLo8G
— IRNA News Agency ☫ (@IrnaEnglish) August 21, 2026
Iran SІM buǵan deıin AQSh-tyń jańa sanktsııalary eldi óz egemendigi men ulttyq múddelerin qorǵaýǵa degen mindettemesinen bas tartýǵa májbúrlemeıtinin málimdegen bolatyn. Iran prezıdenti Masýd Pezeshkıan da jańa shabýyl bolǵan jaǵdaıda «qatal» jaýap bolatynyn eskertti, sonymen qatar taǵy da soǵysty toqtatýǵa shaqyrdy.
Jańa sanktsııalar týraly qaýipter týraly Ormýz buǵazy boıynsha kelispeýshilikter aıasynda aıtyldy. AQSh pen Iran atysty toqtatý týraly keliskenin sáýir men maýsym aılarynda jarııalady, alaıda keıinnen sheshimge kelý áreketteri sátsiz aıaqtaldy.
Osyǵan deıin AQSh prezıdenti Donald Tramp Iranǵa qarsy aýqymdy ekonomıkalyq operatsııa bastalǵanyn jarııalady.
Osy aptada AQSh pen Iran arasyndaǵy maýsym memorandýmynyń 60 kúndik merzimi aıaqtaldy. Osy aralyqta taraptar soǵysty toqtatýǵa jol ashatyn kelisimge kelýge tıis bolǵan. Alaıda ondaı nátıje shyqqan joq. Shıelenis budan ári qalaı órbýi múmkin? Kazinform halyqaralyq sholýshysy osy suraqqa jaýap izdep kórdi.
