Iran AQSh-tyń ıadrolyq obektilerine jasaǵan soqqylaryna jaýap qatty

ASTANA. KAZINFORM – «Soǵys dál qazir bastaldy», — dep málimdedi jeksenbige qaraǵan túni Irannyń Islam revolıýtsııasy saqshylar korpýsy (KSIR), AQSh áskerıleri Irandaǵy úsh ıadrolyq nysanǵa soqqy jasaǵannan keıin, dep euronews saıty.

AQSh prezıdenti Donald Tramp Truth Social paraqshasynda Fordo, Natanz jáne Isfahan ıadrolyq obektilerine «tolyq oq-dári qorymen shabýyl jasalǵanyn» jazdy.

KSIR málimdemesinde bul áreketter Iran men Izraıl arasyndaǵy zymyran jáne dron shabýyldarynyń shıelenisýine sebep bolǵanyn, endi jaǵdaı jaı ǵana qaqtyǵys emes, Taıaý Shyǵystaǵy tolyqqandy soǵysqa aınalǵanyn atap ótti.

Fordo qalasyndaǵy ýran baıytýǵa arnalǵan jerasty zaýyty tek AQSh-tyń arnaıy býnkerlik bombalary arqyly ǵana joıyla alatyn nysan retinde esepteledi — ony tek ıadrolyq shabýyl nemese jerústi reıdi arqyly buzý múmkin.

AQSh pen Izraıldiń resmı ókilderi amerıkalyq «kórinbeıtin» strategııalyq bombalaýshy ushaqtar men 15 000 kılogrammdyq býnkerlik bombalar tereń jer astynda ornalasqan Iran ıadrolyq ınfraqurylymyn joıýda eń tıimdi qural ekenin atap ótti.

Buǵan deıin Iran AQSh Izraıl shabýylyna qosylatyn bolsa, jaýap qaıtaramyz dep eskertken bolatyn. Irannyń Joǵarǵy kósemi aıatolla Alı Hameneı sársenbi kúni AQSh-qa eskertý jasap:

— Bizdiń elge jasalǵan shabýyl sizder úshin orny tolmas zalalǵa ákeledi», — degen bolatyn.

Eske salaıyq, AQSh prezıdenti Donald Tramp Irandaǵy úsh ıadrolyq nysanǵa jasalǵan shabýyldan keıin elge teleúndeý joldady.