Iran AQSh-tyń Parsy shyǵanaǵyndaǵy derek ortalyqtaryn joıamyz dep ses kórsetti
ASTANA. KAZINFORM — Tegeran AQSh-pen soǵys órti qaıta tutansa, qandaı nysandarǵa soqqy jasaıtynyn naqtylady, dep habarlaıdy Kazinform agenttiginiń menshikti tilshisi.
Irannyń Joǵarǵy Ulttyq qaýipsizdik keńesiniń hatshysy Mohsen Rezaı jańa áskerı qaqtyǵysta AQSh-tyń Parsy shyǵanaǵyndaǵy derek ortalyqtary, jasandy ıntellekt nysandary jáne kabel ınfraqurylymy nysanaǵa alynýy múmkin ekenin aıtty.
Ol bul týraly Irannyń Press TV telearnasyna bergen suhbatynda málimdedi. Suhbat jeksenbi kúni efırge shyqqan. IRNA agenttigi suhbat mátinin jarııalady.
Rezaıdiń aıtýynsha, bul nysandar — BAÁ men Ormýz buǵazy mańyndaǵy aktıvter, olardy Tegeran áli óz nysanalarynyń qataryna qospaǵan.
— Qurama Shtattardyń BAÁ men Ormýz buǵazy mańynda óte qundy aktıvteri bar. Biz bul aktıvterdi áli óz nysanalarymyzdyń qataryna qosqan joqpyz. Biraq eger soǵys qaıta bastalsa, osy kabelderdiń, derekter ortalyqtarynyń, jasandy ıntellekt jáne basqa da kóptegen nysannyń kópshiligi joıylady, — dedi ol.
"They faced defeat in almost every single campaign" In an exclusive interview with Press TV, Major General Mohsen Rezaei said that Iran defeated successive enemy campaigns, took control of the Strait of Hormuz, and disrupted smuggling operations. Follow: https://t.co/oa9JV4iSOo https://t.co/qz1zEWYXN8
— Press TV 🔻 (@PressTV) October 11, 2026
Rezaı «aımaqtaǵy Amerıka ekonomıkasynyń júrek qaǵysy» osy ınfraqurylym nysandaryna baılanysty deı otyryp, aktıvterdiń qunyn 2 trıllıon dollardan astam dep baǵalady.
Ol sondaı-aq Iran AQSh qaıta shabýyl bastasa, qosymsha áskerı múmkindikterdi qoldanýǵa daıyn ekenin málimdedi. Ol Tegeran soǵystyń alǵashqy aptasynda odan ári áreket etý nusqalaryn saqtaý úshin óziniń tolyq áleýetin ádeıi tómendetkenin tilge tıek etti.
— Búginde, eger taǵy bir qaqtyǵys bolsa, biz jaýdy áldeqaıda aýqymdy ári keshendi josparmen qarsa alýǵa daıynbyz, — dedi Rezaı.
Vashıngtonmen deldal arqyly baılanys ornatyp otyrǵan Tegeran tarapy osylaı ses kórsetip otyr. Rezaıdyń aıtýynsha, sońǵy eki aıda AQSh Pákistan, Qatar jáne Irak arqyly Iranmen baılanys ornatyp, shamamen eki apta buryn Irannan kelisimge kelý boıynsha usynystar suraǵan.
Rezaıdiń aıtýynsha, Tegeran qoıǵan jeti shart oryndalsa, AQSh úshin Ormýz buǵazy ashylyp, kelissóz bastalady.
Ol Vashıngton keıbir talapqa keliskenin, al keı talapqa berilgen jaýaptyń túsiniksiz bolyp otyrǵanyn, soǵan baılanysty Iran tarapy ony qanaǵattanarlyqsyz dep sanaıtynyn málimdedi.
Buǵan deıin Tramp Kongress saılaýyna deıin Iranǵa soqqy jasamaıtynyn málimdegen bolatyn.
Keshe túnde Ormýz buǵazynda taǵy bir munaı tankeri mınaǵa soǵylyp, órtengen.
