Iran AQSh-tyń Kýveıt pen Bahreındegi áskerı nysandaryna soqqy jasaǵanyn málimdedi
ASTANA. KAZINFORM — Iran bıligi Kýveıt pen Bahreındegi AQSh-tyń áskerı nysandaryna zymyran jáne drondarmen soqqy jasalǵanyn habarlady. Tegeran bul áreketti AQSh-tyń Iran aýmaǵyna jasaǵan shabýylyna jaýap dep atady. Bul týraly Kazinform agenttiginiń menshikti tilshisi habarlady.
Irannyń Islam revolıýtsııasy saqshylar korpýsy (KSIR) taratqan málimdemege sáıkes, operatsııany áskerı-teńiz jáne áýe-ǵarysh kúshteri birlesip júrgizgen.
Málimdemede Kýveıttegi Arıfdjan jáne Álı ás-Salem áskerı bazalary, sondaı-aq Bahreındegi Djýffaır aýdanyndaǵy nysandar men Sheıh-Isa áýe bazasy nysanaǵa alynǵany aıtylǵan.
IRGC Carries Out Retaliatory Operation Against US Infrastructure in Kuwait, Bahrainhttps://t.co/jHq5nXPbbF pic.twitter.com/xXyAHkCjwZ
— Fars News Agency (@EnglishFars) July 9, 2026
Keıinirek Iran armııasy operatsııa aıasynda Katardaǵy áskerı nysandarǵa da shabýyl jasalǵanyn habarlady. Sondaı-aq soqqylar kezinde shabýyldaýshy ushqyshsyz ushý apparattary qoldanylǵany málim boldy.
Iran tarapynyń málimetinshe, Kýveıttegi Patriot áýe qorǵanys zymyran kesheni, Katardaǵy erte eskertý beketi jáne Bahreındegi AQSh áskerı kúshteriniń janarmaı ınfraqurylymy nysanaǵa alynǵan.
Óz kezeginde Kýveıt bıligi áýe shabýylyna qarsy qorǵanys júıeleri Iran aýmaǵynan ushyrylǵan úsh ballıstıkalyq zymyrandy, bir qanatty zymyrandy jáne on ushqyshsyz ushý apparatyn áýede joıǵanyn málimdedi.
Kýveıt tarapynyń dereginshe, zymyran qaldyqtarynyń qulaýynan birneshe nysan zaqymdanyp, bir adam jaralanǵan. Onyń jaǵdaıy turaqty dep baǵalanýda. Eldiń Syrtqy ister mınıstrligi Irannyń áreketin qatań aıyptap, ony Kýveıttiń egemendigin óreskel buzý jáne Tegerannyń qaıtalanyp otyrǵan dushpandyq saıasatynyń kórinisi dep atady.
Bahreın bıligi de áýe dabylyn jarııalady. Eldiń Іshki ister mınıstrligi turǵyndardy sabyr saqtap, jaqyn mańdaǵy qaýipsiz oryndarǵa panalaýǵa shaqyrdy.
KSIR bul operatsııany AQSh-tyń Iranǵa jasaǵan soqqylaryna berilgen «jazalaý sıpatyndaǵy jaýaptyń» alǵashqy kezeńi dep baǵalap, eger shabýyldar qaıtalansa, aımaqtaǵy AQSh-tyń ózge de áskerı nysandary nysanaǵa alynatynyn eskertti.
⚡️BREAKING: Iran has carried out Major Strikes against U.S. Assets in Bahrain and Kuwait
— Iran Observer (@IranObserver0) July 9, 2026
The IRGC warns that U.S. assets in the UAE, Qatar, and other countries will be targeted in the next Operation pic.twitter.com/R23rV1Ahcq
Eske salaıyq, buǵan deıin AQSh beısenbige qaraǵan túni Iran aýmaǵyndaǵy 90 nysanǵa áýe soqqysyn jasaǵan bolatyn. Oǵan deıingi kúni AQSh Irandaǵy 80 nysanǵa shabýyl jasap, keıin Iran Kýveıt pen Bahreındegi amerıkalyq áskerı nysandarǵa jaýap soqqysyn jasaǵany habarlanǵan edi.
