Iran AQSh-tyń Katar men Iraktaǵy bazalaryna shabýyl jasady

ASTANA. KAZINFORM  – Tegeran «Jeńis týraly habarlandyrý» operatsııasynyń bastalǵanyn málimdedi, dep habarlaıdy Kazinform agenttiginiń menshikti tilshisi.

Irannyń Tasnim aqparat agenttiginiń habarlaýynsha, Iran AQSh-tyń Katar men Iraktaǵy bazalaryna zymyran operatsııasyn bastady.

Irannyń Islam revolıýtsııasy qamqorshylar korpýsy (KSIR) Katar men Iraktaǵy amerıkalyq áskerı nysandarǵa zymyran soqqylaryn resmı túrde rastady.

Tegerannyń málimetinshe, shabýyl ótken demalys kúnderi AQSh-tyń Irannyń ıadrolyq qondyrǵylaryna jasaǵan soqqylaryna jaýap bolǵan. Operatsııa «Jeńis týraly habarlandyrý» dep ataldy.

Negizgi maqsattyń biri - AQSh-tyń Ortalyq qolbasshylyǵy (CENTCOM) kúshteri ornalasqan Katardaǵy Ál-Ýdeıd áýe bazasy. Irak baǵytyndaǵy amerıkalyq nysandarǵa zymyrandar ushyrylǵan, biraq ol týraly tolyq aqparat bolmaı tur.

– Biz Islam Respýblıkasyna qarsy agressııaǵa jaýap retinde aımaqtaǵy AQSh áskerı bazalary boıynsha aýqymdy zymyran operatsııasyn bastadyq, - deıdi KSIR ókiliniń agenttigi.

Katar astanasy Dohanyń turǵyndary joıqyn jarylys pen aspandaǵy jarqyl týraly habarlap jatyr. Qala ústinde Ázirge Katar bıligi nemese Pentagon tarapy bul týraly resmı túrde rastamady.

Sırııanyń soltústik-shyǵysyndaǵy Kasrek aımaǵyndaǵy amerıkalyq áskerı bazaǵa shabýyl jasalǵanyn jazǵan bolatynbyz.