Iran AQSh-tyń Bahreın men Kýveıttegi áskerı nysandary joıylǵanyn málimdedi
ASTANA. KAZINFORM — Irannyń Islam revolıýtsııasy saqshylar korpýsy AQSh-tyń Bahreın men Kýveıttegi áskerı ınfraqurylym nysandary joıylǵanyn málimdedi. Bul TASS habarlady.
Irannyń málimetinshe, Áýe-ǵarysh kúshteri «Nasr-2» operatsııasynyń 24-kezeńi aıasynda Bahreındegi amerıkalyq nysandarǵa zymyrandar men drondar arqyly bir mezgilde soqqy jasaǵan.
Iran tarapynyń málimdeýinshe, shabýyl saldarynan Muharrak qalasyndaǵy amerıkalyq radıolokatsııalyq stansa men Rıffada ornalasqan Patriot áýe qorǵanysy júıesi joıylǵan.
Budan bólek, Kýveıttegi AQSh áskerı ınfraqurylymyna da soqqy jasalǵany belgili boldy. Iran áskerı kúshteriniń málimetinshe, alys qashyqtyqtaǵy radıolokatsııalyq stansa, baılanys ortalyǵy, spýtnıktik baılanys júıeleri jáne zymyranǵa qarsy qorǵanys radıolokatsııalyq kesheni joıylǵan.
Sondaı-aq Kýveıttegi Álı ál-Salem áýe bazasynda ornalasqan AQSh-tyń MQ-9 ushqyshsyz ushý apparattaryna arnalǵan angardyń da joıylǵany aıtyldy.
Alaıda materıal jarııalanǵan sátke deıin AQSh, Bahreın jáne Kýveıt bıligi bul málimdemege qatysty resmı túsinik bergen joq.
Eske salaıyq, buǵan deıin Iran AQSh-pen aradaǵy shıelenisti azaıtý boıynsha deldaldardan usynys alǵanyn málimdegen edi.
