Iran AQSh-ty ıadrolyq kelissózdi buzdy dep aıyptady

ASTANA. KAZINFORM – Irannyń Syrtqy ister mınıstri Abbas Aragchı Irannyń ıadrolyq otyn óndirýge quqyǵy bar dep málimdedi jáne Amerıka Qurama Shtattaryn «maksımalıstik talaptar men arandatýshylyq rıtorıka» kesirinen kelissózdi buzdy dep aıyptady, dep habarlaıdy Anadolu.

H áleýmettik jelisindegi paraqshasynda jarııalanǵan málimdemesinde Aragchı buqaralyq aqparat quraldary arqyly kelissózderdiń negizgi bóligin talqylaýdan aýlaq ekenin aıtty. Biraq «Irannyń ıadrolyq baǵdarlamasy týraly ótiriktiń qaıtalanýy negizgi faktilerdi ózgertpeıdi» dep atap ótti.

Mınıstr AQSh-tyń Tegeranǵa beıbit ıadrolyq baǵdarlama úshin ýrandy baıytý qajet emes degen pikirine túsinikteme bere otyryp, Irannyń ıadrolyq qarýdy taratpaý týraly sharttyń (ıAQTSh) negizin qalaýshy elderiniń biri retinde ıadrolyq otyn óndirisiniń tolyq tsıkline quqyǵy bar ekenin eske saldy.

– ıAdrolyq qarýdan tolyq bas tarta otyryp, ýrandy baıytatyn ıAQTSh-ǵa múshe elder bar. Irannan basqa mundaı memleketter Azııa, Eýropa jáne Ońtústik Amerıkada ornalasqan, dedi ol.

Aragchı AQSh-ty agressıvti ustanymnan saqtandyrdy.

- Maksımalızm men arandatýshylyq tabysqa jetý múmkindigin joqqa shyǵarýdan basqa eshteńege ákelmeıdi. Senimdi jáne turaqty kelisimge kelýge bolady. Ol úshin myqty saıası erik pen ádil kózqaras qajet, - dedi ol.

Aıta keteıik, AQSh Iran men Qytaı kompanııalaryna sanktsııa saldy.