Iran AQSh-ty agressııa úshin aıyptap, halyqaralyq tergeýge alýdy talap etti

ASTANA. KAZINFORM – Tegeran ıadrolyq nysandarǵa jasalǵan soqqylardy halyqaralyq quqyqty óreskel buzý dep baǵalap, bul áreketke jaýap berý quqyǵyn málimdedi jáne ıAdrolyq qarýdy taratpaý týraly sharttan (DNıAO) shyǵý múmkindigin eskertti, dep habarlaıdy Kazinform agenttiginiń menshikti tilshisi.

Irannyń Syrtqy ister mınıstrligi resmı málimdemesinde AQSh tarapynan jasalǵan shabýyldy «egemen elge qarsy buryn-sońdy bolmaǵan agressııa» jáne BUU Jarǵysyn, 2231-rezolıýtsııany, sondaı-aq ıAdrolyq qarýdy taratpaý týraly shartty buzý dep baǵalady.

— Iran Islam Respýblıkasy óz egemendigin, qaýipsizdigin jáne halqynyń múddelerin qorǵaý úshin barlyq múmkin quraldardy qoldanýǵa quqyly, — delingen málimdemede.

MID málimdeýinshe, bul soqqylar dıplomatııalyq úderis júrip jatqan sátte jasalyp, Izraıldi qoldaýǵa baǵyttalǵan AQSh-tyń agressıvti saıasatynyń jalǵasy bolyp otyr. Iran shabýyl úshin Izraıldi kinálap, áskerı shıeleniske sebepshi ári bastaýshy sol el dep atady.

Sonymen qatar, Tegeran Fordo sııaqty keıbir ıadrolyq nysandarda tek ústirt zaqym kelgenin, al qyzmetkerlerdiń soqqyǵa deıin evakýatsııalanǵanyn, sondyqtan radıatsııalyq qaýip joq ekenin habarlady.

Iran Atom energetıkasy uıymynyń basshysy Mohammad Eslamı MAGATE bas dırektory Rafael Grossıge hat joldap, uıymdy áreketsizdik pen beıqamdyq tanytty dep aıyptap, AQSh-tyń áreketin resmı túrde aıyptaýǵa shaqyrdy.

Eslamı sonymen qatar Irannyń halyqaralyq mindettemelerdiń óreskel buzylýyna quqyqtyq jaýap qaıtarý quqyǵyn saqtap qalatynyn atap ótti.

Májilistiń syrtqy saıasat jónindegi komıtetiniń tóraǵasy Abbas Golrý Irannyń DNıAO-dan shyǵý quqyǵy týraly eske salyp, eger «eldiń basty múddelerine qater tónse», 10-bapqa sáıkes bul qadam zańdy ekenin aıtty.

Iran Syrtqy ister mınıstri Abbas Arakchı áleýmettik jelidegi úndeýinde AQSh-tyń shabýylyn BUU Jarǵysy men halyqaralyq quqyq normalaryn óreskel buzý dep atap, onyń uzaqmerzimdi saldary bolatynyn eskertti.

— Iran halyqaralyq quqyq sheńberinde ózin-ózi qorǵaý quqyǵyn saqtaıdy, — dedi mınıstr.

Qazaqstan Respýblıkasy Syrtqy ister mınıstrligi de Taıaý Shyǵystaǵy jaǵdaıǵa qatysty resmı málimdeme jasady.