Iran AQSh soqqy jasasa, qaqtyǵys aýqymyn keńeıtetinin eskertti
ASTANA. KAZINFORM — Ormýz buǵazyndaǵy jańa áskerı oqıǵalar men dıplomatııalyq baılanystardyń jalǵasýyna qaramastan, Vashıngton men Tegeran arasyndaǵy shıelenis áli de ýshyǵyp tur, dep habarlaıdy Kazinform agenttiginiń menshikti tilshisi.
Iran armııasynyń ókili, brıgada generaly Muhammed Akramınıa AQSh qaıtadan soqqy jasaǵan jaǵdaıda, Tegeran budan da aýqymdy shabýyl jasaıtynyn jáne áskerı teketirestiń geografııasy Taıaý Shyǵystan tys jerlerge taralatynyn eskertti. Bul týraly 3 qarashada Irannyń Mehr agenttigi habarlady.
— Eger atys Azııamen ǵana shektelmeıdi, — dedi Akramınıa.
Onyń aıtýynsha, Iran qarýly kúshteri shabýyl jasalýy múmkin nysandar tizimin jańartyp jatyr.
A spokesman for the Iranian Army Force Brigadier General Mohammad Akraminia has warned that any new aggression against the country would be ‘more extensive, forceful and regrettable”. https://t.co/uKQ4Y8ppEA
— Mehr News Agency (@MehrnewsCom) November 3, 2026
Áskerı qaqtyǵys qaıta órshise, Iran qarýy jetetin aýmaqtaǵy AQSh-tyń áskerı nysandary, tehnıkasy, áskeri men ózge de múddelerine soqqy jasamaq.
Iran armııasy ókiliniń sózinshe, Tegerannyń qarsylastary eldiń batys shekarasynda jańa qurlyq maıdanyn ashý úshin Iraktyń soltústigindegi Irak Kúrdistanynda ornalasqan úkimetke qarsy qarýly toptardy paıdalanýdy kózdegen.
Sonymen qatar Akramınıan Iran áskerı bólimderin ornalastyryp, qarýly toptardyń bekinisterine aldyn ala soqqy berý arqyly qarsylastarynyń bul josparyna tosqaýyl qoıǵanyn aıtty.
Bul málimdemeler AQSh-tyń Ormýz buǵazy mańyndaǵy Iran nysandaryna, sonyń ishinde Keshm aralyna shekteýli soqqy jasaǵany týraly amerıkalyq BAQ-ta taraǵan aqparat aıasynda aıtyldy. AQSh bıligi bul operatsııalardyń qorǵanys maqsatynda júrgizilgenin jáne ázirge qaqtyǵysty ýshyqtyrý jospary joq ekenin habarlady.
Sonymen qatar eki el arasyndaǵy dıplomatııalyq baılanystar jalǵasyp jatyr. AQSh vıtse-prezıdenti Djeı Dı Vens Iranmen aradaǵy janama kelissózderde ilgerileýshilik baryn málimdese, Tegeran kelisimge qol qoımas buryn AQSh-tyń teńiz blokadasyn toqtatyp, óz talaptaryn oryndaýdy talap etip otyr.
Buǵan deıin AQSh talaptaryn oryndasa, Iran Ormýz buǵazyn eki kúnde ashýǵa daıyn ekenin málimdegenin jazǵan edik.
