Iran: AQSh-pen túpkilikti kelisim jasaýǵa áli erte
ASTANA. KAZINFORM - Iran parlamentiniń tóraǵasy Muhammad Bager Ǵalıbaf memlekettik Tasnim agenttigine bergen suhbatynda Tegeran men Vashıngton arasyndaǵy kelissózderde belgili bir ilgerileý bolǵanymen, taraptar arasynda áli de eleýli kelispeýshilikter saqtalyp otyrǵanyn málimdedi, dep habarlaıdy BILD.
Onyń aıtýynsha, túpkilikti kelisimge qol jetkizýge áli erte.
Ǵalıbaf sondaı-aq Iran Ormýz buǵazy arqyly ótetin keme qatynasyn tolyq baqylaýda ustap otyrǵanyn aıtty. Buǵan deıin Tegeran buǵazdy qaıtadan japqan bolatyn.
Fars agenttiginiń dereginshe, Iran qarýly kúshteri shtabynyń ókili mundaı qadamdy AQSh-tyń ıran porttaryna qatysty blokadasyn jalǵastyrýymen túsindirgen.
Kelissózderdiń kelesi kezeńi ótedi me ?
Pákistannyń deldaldyǵymen 22 sáýirde aıaqtalýy tıis atysty toqtatý merzimin uzartý jáne jan-jaqty kelisim ázirleý baǵytynda jumystar júrgizilip jatyr. AQSh-tyń keıbir buqaralyq aqparat quraldarynyń rastalmaǵan málimetine sáıkes, kelissóz júrgizýshiler 20 sáýirde Pákistan astanasy Islamabadta qaıta kezdesýi múmkin.
Aıta keteik, Tramp AQSh pen Iran arasyndaǵy kelissózder demalys kúnderi jalǵasatynyn málimdegen bolatyn.