Iran AQSh pen Izraılge ses kórsetti
ASTANA. 6 shilde. QazAqparat - Irannyń áýe-ǵarysh dıvızıonynyń qolbasshysy AQSh-tyń Taıaý Shyǵystaǵy 35 áskerı bazasyn qurtyp jiberýge qabiletti ekendigin málimdedi. Bul týraly Qazaqstan telearnasy habarlaıdy.
Sonymen qatar, Iran Islam Respýblıkasyna Izraıl shabýyl jasasa, ony birneshe mınýtta-aq joımaq. Muny «Revolıýtsııa saqshylarynyń» áýe-ǵarysh dıvızıonynyń qolbasshysy Ámir Álı Hadjızade málimdedi. Al maýsymnyń basynda Iranda «Uly Paıǵambar-7» degen ballıstıkalyq zymyran synaqtan ótken bolatyn. Ol 2 myń shaqyrym jerdegi nysanany qırata alady.
