Iran AQSh-pen dıplomatııalyq kelissózder jalǵasyp jatqanyn rastady
ASTANA. KAZINFORM – Iran Syrtqy ister mınıstriniń orynbasary Kazym Garıbabadı Tegeran men Vashıngton úshinshi elderdiń araǵaıyndyǵymen dıplomatııalyq dıalogty jalǵastyryp jatqanyn málimdedi, dep habarlaıdy Anadolu.
Mizan aqparat agenttiginiń habarlaýynsha, Garıbabadı AQSh-pen júrgizilip jatqan janama kelissózderge qatysty pikir bildirgen.
– Dıplomatııaǵa jol áli de ashyq, kelissózder jalǵasyp jatyr, – dedi ol.
Mınıstrdiń orynbasary Irannyń oqıǵalardyń kez kelgen órbýine daıyn ekenin atap ótti. Onyń aıtýynsha, AQSh-pen kelissózder ózge memleketterdiń araǵaıyndyǵymen júrgizilip jatyr.
Garıbabadı Tegeran óz múddelerin eskeretin, eki tarap úshin de qolaıly kelisimge qol jetkizýdi kózdeıtinin aıtty.
Sonymen qatar ol Iran kelissózderdi basqa memleketterdiń múddesin qanaǵattandyrý nemese ymyraǵa kelý úshin óz ustanymynan bas tartý maqsatynda júrgizbeıtinin atap ótti.
Aıta keteıik, buǵan deıin AQSh Senaty prezıdent Donald Trampty Iranǵa qarsy soǵysty toqtatýǵa mindetteıtin qarardy qabyldamaǵan edi. Qujatqa 51 senator qarsy, 48 senator jaqtap daýys bergen.