Iran AQSh-pen arada jasalǵan bitimge qaramastan Parsy shyǵanaǵy elderin atqylap jatyr
ASTANA.KAZINFORM – Parsy shyǵanaǵyndaǵy birneshe el atysty toqtatý týraly kelisimniń jarııalanýyna qaramastan Iran tarapynan soqqylar jasalǵanyn habarlady, dep jazady BILD.
Kýveıt bıligi shabýyldardyń birneshe saǵatqa sozylǵanyn, sonyń saldarynan munaı nysandary, elektr stantsııalary men sý tuşytý qondyrǵylary zaqymdanǵanyn habarlady.
Birikken Arab Ámirlikteri de zymyran qaýpi týraly málimdedi.
Eldiń Qorǵanys mınıstrliginiń dereginshe, áýe qorǵanys júıeleri zymyrandar men drondardyń shabýyldaryna toıtarys berip jatyr. Sondaı-aq yqtımal soqqylar týraly eskertýler Bahreınnen de túsken.
BAQ málimetinshe, zymyran shabýyldary Izraılge de baǵyttalǵan.
Irannyń memlekettik telearnasy soqqylardyń bolǵanyn rastady. Málimdemede bul áreketterdiń Irannyń munaı ınfraqurylymyna jasalǵan shabýyldarǵa jaýap retinde júrgizilgeni aıtylǵan.
-Parsy shyǵanaǵyndaǵy Lavan araly men Sırrı araly nysandarynda jarylystar bolǵany týraly habar tarady. Alaıda bul aqparat ázirge rastalǵan joq,-delingen habarlamada.
Osyǵan deıin Izraıl Iranǵa shabýyldaryn toqtatqanymen Lıvandaǵy operatsııalaryn jalǵastyryp jatqany týraly aıtyldy.
