Iran AQSh-qa jańa kelisim jobasyn Pákistan arqyly joldady
ASTANA. KAZINFORM - Iran AQSh-pen júrgizilip jatqan kelissózder aıasynda jańa kelisim jobasyn osy ýaqytqa deıin araǵaıyndyq jasap kelgen Pákistan arqyly jetkizdi, dep habarlaıdy Anadoly.
IRNA málimetinshe, Iran 30 sáýir, beısenbi kúni keshke kelissózderdiń qorytyndy qujaty sanalatyn mátindi Pákistan tarapyna tabystaǵan.
Usynystyń mazmuny ázirge jarııa etilmegen.
Buǵan deıin de Tegeran Pákistan arqyly soǵysty toqtatý sharttaryn qamtıtyn usynysty amerıkalyq tarapqa joldaǵan bolatyn.
Irannyń buqaralyq aqparat quraldarynyń habarlaýynsha, Tegeran soǵysty tolyq toqtatý jáne Ormýz buǵazyn qaıta ashý máselelerin talqylaýǵa daıyn ekenin bildirgen. Alaıda ıadrolyq baǵdarlamaǵa qatysty taqyrypty tek turaqty bitim rejımi ornaǵannan keıin qarastyrýdy usynyp otyr.
Buǵan deıin Donald Tramp Irannyń sońǵy usynysyna kóńili tolmaıtynyn bildirgeni habarlanǵan bolatyn.
