Iran AQSh-qa soǵysty toqtatý úshin shart qoıdy
ASTANA. KAZINFORM – Iran bıligi Qatar deldaldary arqyly AQSh-qa soǵysty toqtatý sharttaryn jetkizdi jáne AQSh prezıdenti Donald Tramptan jaýap kútip otyr. Bul týraly Irannyń Joǵarǵy Ulttyq qaýipsizdik keńesiniń hatshysy Mohsen Rezaı málimdedi, dep habarlaıdy TASS agenttigi.
– Biz soǵysty toqtatý úshin Vashıngtonǵa sharttarymyzdy jetkizgen qatarlyq deldalmen baılanystamyz jáne prezıdent Tramptan jaýap kútip otyrmyz» - dedi ol Al Jazeera arnasyna bergen suhbatynda.
Rezaıdyń aıtýynsha, Irannyń sharttaryna soǵysty barlyq baǵytta toqtatý, Irannyń muzdatylǵan aktıvterin ashý jáne áskerı-teńiz blokadasyn alyp tastaý kiredi.
Esterińizge sala keteıik, amerıkalyq jáne ırandyq delegatsııa maýsym aıynda eki tarap qol qoıǵan, soǵysty toqtatýǵa baǵyttalǵan ózara túsinistik týraly memorandým negizinde kelissóz bastady. Keıinnen dıalog toqtatyldy, nátıjesinde Ormýz buǵazy negizgi qaqtyǵys núktesine aınaldy. Sodan keıin Tramp AQSh pen Iran arasyndaǵy memorandýmdy jaramsyz dep sanaıtynyn málimdedi.
