Iran AQSh bıliginde alaýyzdyq baryn málimdep, ekijaqty kelisimderdi toqtatty
ASTANA. KAZINFORM – Iran Syrtqy ister mınıstrliginiń resmı ókili Esmaıl Baǵaı AQSh memlekettik basqarý júıesinde tereń alaýyzdyq belgileri baıqalǵanyn jáne bul halyqaralyq arenada qarama-qaıshy málimdemelerdiń jasalýyna ákelip otyrǵanyn aıtty, dep habarlaıdy IRNA.
– AQSh bılik qurylymynyń ishinde ártúrli baǵytty ustanatyn birneshe top áreket etip jatqan sııaqty. Olar bir-birimen ózara yqpaldasyp, básekelestikke túsýde, – dedi Esmaıl Baǵaı.
Onyń aıtýynsha, dál osy ishki tartys pen qarama-qaıshy múddelerdiń qaqtyǵysy Vashıngtonnyń halyqaralyq mańyzdy máseleler boıynsha álemge bir-birine qaıshy keletin ári túsiniksiz sıgnaldar berýine sebep bolyp otyr.
Sondaı-aq Iran SІM ókili buǵan deıin qol jetkizilgen barlyq ekijaqty kelisimderdiń ýaqytsha toqtatylǵanyn rastady. Onyń ishinde Ormýz buǵazyndaǵy keme qatynasy rejımi men shetelde buǵattalǵan Iran aktıvterin bosatý jónindegi ýaǵdalastyqtar da bar.
Baǵaıdiń aıtýynsha, Tegeran mundaı sheshimdi Vashıngtonnyń óz mindettemelerin oryndamaýyna jáne AQSh-tyń áskerı soqqylardy qaıta bastaǵanyna baılanysty qabyldaǵan.
– AQSh-ta sheshim qabyldaý júıesi bytyrańqy ári bólshektengen. Іshki lobbıstik toptar Aq úıdiń qol qoıylǵan kelisimderdi oryndaý múmkindigin is júzinde shektep otyr, – dedi Iran Syrtqy ister mınıstrliginiń resmı ókili.
Aıta keteıik, BUU Irandaǵy azamattyq ınfraqurylym nysandaryna jasalǵan shabýyldardy aıyptady.
