Iran 6 eýropalyq elge munaı jetkizýdi toqtatty

Grekııa, Ispanııa, Italııa, Nıderlandy, Frantsııa jáne Portýgalııa úshin ırandyq munaı aǵyny sarqyldy, dep habarlady RBK jergilikti Press TV telearnasyna silteme jasap.

Sóıtip, Tegran ırandyq munaıdan 1 shildeden bastap bas tartýǵa nıettengen eýropalyqtardyń aldyn orap ketti. Qańtar aıynyń sońynda EO sanktsııalar toptamasyn qabyldaı otyryp, onyń kúshine enýin jazdyń basyna qaldyryp, oǵan deıin munaı jetkiziliminiń jańa kelisim-sharttaryn jasaýǵa úlgermek boldy. Alaıda Iran birden-aq embargonyń bastalýyn kútpeı-aq Eýropaǵa munaı jetkizýdi ózi toqtatatynyn málimdedi jáne sózinde turdy.

EO Qytaıdan keıingi ırandyq munaıdy tutynatyn kólemi jaǵynan ekinshi aımaq bolatyn. Jetkizilimniń toqtatylýy eýropalyqtardyń ózderine aýyr soqpaq, atap aıtqanda eleýli qarjy problemalaryna ushyraǵan Grekııa úshin óte-móte aýyr. Afıny elge jetkiziletin munaıdyń tórtten birin Irannan jeńildikti sharttarmen alyp turǵan bolatyn.

Endi Grekııa jáne basqa da tutynýshylar jetkizilimniń basqa balama kózderin izdeýge májbúr. Endi Mahmud Amedınejadtyń qolaısyz rejımi munaıynyń ornyn demokratııalyq Saýd Arabııasy baspaq, ol munaı óndirýdi kúnine 2 mln. barrelge ulǵaıtatynyn habarlady.

Iran Munaı eksporttaýshy elder uıymy (OPEK) músheleriniń arasynda Sad Arabııasynan keıin ekinshi oryn alady.