Iran 2020 jylǵa deıin birinshi termoıadrolyq reaktoryn salmaq
ASTANA. Tamyzdyń 31-i. QazAqparat - Iran 2020 jylǵa deıin óziniń birinshi tájirıbelik termoıadrolyq reaktoryn salmaq nıette. Bul týraly Termoıadrolyq energııany zertteý jónindegi jańa ortalyqtyń bastyǵy Ashar Sedıkzade málim etti, dep habarlaıdy RBK agenttigi.
A.Sedıkzade atap kórsetkendeı, ol jetekshilik etetin ortalyq ulttyq joba aıasynda zertteýler júrgizý úshin 100 shaqty mamandy jumysqa qabyldaýdy josparlap otyr.
Esterińizge sala keteıik, aǵymdaǵy jyldyń shilde aıynda Tegran atalmysh sektorda jumystar bastaǵanyn habarlaǵan bolatyn.
