Iraktyń jańa prezıdenti saılandy
ASTANA. QazAqparat -Kúrdistan patrıottyq odaǵynan kandıdat Barham Saleh Iraktyń jańa prezıdenti bolyp saılandy. Respýblıka parlamentinde ótken saılaý qorytyndysy boıynsha, Salehke 165 depýtat daýys berdi. Daýys berý barysyn As Sumariya telearnasy tikeleı efırden kórsetti, dep habarlaıdy TASS.
Otyrysqa parlamenttiń 329 depýtatynyń 301-i qatysty. Spıker Mýhammedý al-Halbýsı daýys berýge qajetti kvorýmdy úshinshi áreketten keıin jınaı alǵan. Daýys berýdiń alǵashqy raýndynda jeńimpaz anyqtalmady. Sebebi kandıdattardyń eshqaısysy daýystyń úshten birin jınaı almady. Ekinshi raýndtyń qorytyndysy boıynsha el prezıdenttigine kandıdat kópshiliktiń daýysyna ıe bolýy tıis boldy.
«Baǵdadtan túsip jatqan aqparatqa sáıkes, jańadan saılanǵan kóshbasshy aldaǵy taıaý ýaqytta eldiń Joǵarǵy federaldy soty jáne parlamentshileri aldynda ant qabyldaıdy. Saleh qolǵa alatyn alǵashqy mindet - premer-mınıstrdi taǵaıyndaý jáne úkimetti jasaqtaýǵa mandat berý», - dep jazady agenttik
