Iraktyń soltústiginde jaýyngerler ezıdter aýylyna shabýyl jasap, 80 adamdy óltirdi
ÁBÝ-DABI. QazAqparat - «Irak pen Levanttyń ıslam memleketi» kóterilisshi uıymynyń jaýyngerleri Iraktyń soltústigindegi Kocho aýylynyń beıbit turǵyndaryna shabýyl jasady. Saldarynan ondaǵan adam qaza boldy. Olardyń kóbi ezıdtikter.
«Seksenge jýyq kýrd-ezıd óltirildi. Olar halyqqa qarsy úlken qylmys jasady», - dedi jergilikti BAQ-qa bergen suhbatynda joǵary shendi sheneýnik Hoshııar Zıbarı.
Áskerı derek kózderine súıengen H.Zıbarı jaýyngerlerdiń aýylǵa mashınalarmen tústen keıin kelip, adamdardy óltire bastaǵynyn aıtty. Beıbit turǵyndardy qyrý bir saǵatqa jalǵasqan. Seksen er adamdy atyp óltirip, áıelder men qyzdardy Tal afar qalasyna alyp ketken, dep qosty Irak ókili.
Kýrd sheneýnigi Iraktyń Dahýk provıntsııasynda qaza bolǵandar týraly málimetterdi rastap, aýyldaǵy óli máıitterdi kózimen kórgenin de aıtty.
Ezıdter - kýrdtardyń etnokonfessıonaldy toby. Olar kýrmandjıı tilinde sóıleıdi. Negizinen Iraktyń soltústigi men Eýropa elderinde turady. Ezıdter zaroastrızmmen baılanysty ejelgi dindi ustanady.
Bul ıslamshylardyń Irak pen Sırııa aýmaǵynda turatyn basqa dinı konfessııalardyń ókilderin jappaı qyrǵynǵa ushyratqan birinshi oqıǵa emes. Sýnnıtter sýnnızmǵa kóshýdi nemese elden kóshýdi talap etken, kónbegen jaǵdaıda turǵyndardy óltiremiz dep qorqytqan.
