Iraktyń soltústiginde sodyrlardyń jaýyngerlerdi qalaı jazalaǵany týraly sýretter jarııalandy (FOTO)
ASTANA. QazAqparat - Sodyrlar jaýyngerlerdi qalaı óltirgeni týraly sýretterdi jarııalady. Kadrlar «Irak pen Levanttaǵy Islam memleketi» uıymynyń «Tvıtterdegi» paraqshasynda paıda boldy.
Iraktyń soltústiginde birneshe qalany basyp alǵan sodyrlar qoldaryna túsken jaýyngerdi qalaı jazalaǵany týraly sýretterdi jarııalady, dep habarlaıdy «Qazaqstan» Ulttyq arnasy. Myna fotolarda Irak armııasynyń sarbazdary jerde jatyr. Al, qarýly top músheleri olardy atýǵa oqtalýda. Bul kadrlar «Irak pen Levanttaǵy Islam memleketi» uıymynyń «Tvıtterdegi» paraqshasynda paıda boldy. Qandy oqıǵanyń naqty qaı eldi mekende bolǵany belgisiz. Aıta ketsek, súnnıt jasaqtary ótken aptada birneshe qalany baǵyndyryp, Baǵdadqa joryǵyn bastady. Olarǵa toıtarys berý úshin qazir shııtter men kúrdter óz erikterimen soǵysqa attanyp jatyr. Dinı-etnıkalyq janjal kesirinen Irak bólshektenedi, degen qaýip kúsheıip keledi.
