Iraktyń soltústiginde qýatty 2 jarylys oryn aldy
ASTANA. 31 tamyz. QazAqparat - Iraktyń soltústiginde ornalasqan Týz Hýrmato qalasynda qýatty 2 jarylys boldy. Kólikke ornatylǵan bombanyń iske qosylýynan keminde 11 adam qaza tapty. Bul jaıynda Ýtro.rý jergilikti polıtsııaǵa silteme jasap habarlady.
Birinshi bomba qalaǵa kire beris jolda jarylsa, oqıǵa oryn alǵan jerge jergilikti turǵyndar jaqyndaǵan mezette ekinshi qurylǵy da iske qosylǵan. Qaza tapqandardyń basym bóligi - balalar.
Aıta keteıik, taıaýda Baǵdadtyń soltústigindegi Samara qalasyndaǵy jarylys saldarynan keminde 16 adam qaza tapqan bolatyn.
