Iraktyń shyǵysynda jarylys saldarynan 42 adam qaza tapty
ASTANA. QazAqparat - Iraktyń shyǵysyndaǵy Bakýba qalasynda eki jarylys oryn alyp, 42 adam qaza tapty. 70-ke jýyq adam jaraqattandy.
Bombalardyń biri qalaǵa jaqyn jerdegi bazarda jaryldy, onda 35 adam kóz jumdy.
Ekinshi jarylys Bakýbaǵa jaqyn jerde boldy. Odan jergilikti jeti adam ajal qushty.
Qala úkimettik ásker baqylaýynda. Alaıda Dııala provıntsııasynda áskerdiń «Islam memleketi» ekstremıstik tobynyń kóterilisshilerimen qaqtyǵysy jalǵasýda.
Shildede Dııalada qasıetti Ramazan aıynda bazardaǵy jarylys kezinde 115 adam qaza tapqan.
Bakýba Baǵdadtyń soltústik-batysyna qaraı 60 shaqyrymda ornalasqan.
