Iraktyń Qazaqstandaǵy senimdi ókili: Elimizde DAISh-qa tolyq toıtarys berildi
«Biz Irak halqy jetken uly jeńis týraly aqparat berý úshin jıyn ótkizip otyrmyz», - degen senimdi ókil Irak Respýblıkasy úkimetiniń málimdemesin oqyp berdi. «Iraktyń ár tarabynan kelgen erjúrek uldarymyz jan berisip, Mosýldy qara terrordyń tyrnaǵynan azat etti. Olardyń qany týǵan jerinde tógilip, ıraktyqtar ózderiniń órkenıetti el ekenin dáleldep berdi. Biz álemniń atynan shaıqastyq. «Islam memleketi» atalǵan uıymǵa júzge jýyq elden adamdar kelip qosylǵan. Bálkim, olar óz qoǵamyna da qaýip tóndirýi múmkin.
«Qadimun Ya Naynawa» operatsııasy 9 aı buryn bastalǵan bolatyn. Oǵan Irak Respýblıkasynyń Premer-mınıstri, QK Bas qolbasshysynyń basshylyǵymen antıterrorlyq kúshteri, federaldyq polıtsııa, halyq áskeri, Peshmerg áskeri jumyldyryldy. Operatsııa kezinde azat etýshi ásker sodyrlar adam qalqany retinde qoldanǵan halyqtyń amandyǵyn basty negizge aldy. Mosýldaǵy jeńis - barlyq nıettes memleketterdiń jeńisi», - deıdi senimdi ókil.
Jıyn barysynda BAQ ókilderi tarapynan ıÝnýs Salım Sarhanǵa birqatar suraqtar qoıyldy. Irak Respýblıkasynyń senimdi ókiliniń aıtýynsha, Iraktyń soltústigindegi eki qalany azat etý úshin áli de qarýly qaqtyǵystar júrip jatyr.
«Irakta áskerı turǵyda DAISh-tyń tamyryna balta shabyldy dep aıtýǵa bolady. Endigi kezekte Irak Respýblıkasynyń úkimeti Mosýl qalasyn qalpyna keltirý jumystaryn qolǵa alady», - deıdi ıÝnýs Salım Sarhan.
