Iraktyń Baıdjı qalasyna jasalǵan áýe shabýylynan 200 adam qaza tapty
ASTANA. QazAqparat - Iraktyń Baıdjı óndiristik qalasyna áýeden shabýyl jasaldy. Sadarynan 200 sodyrdyń kózi joıyldy. Atap óteıik, atalǵan qalada Iraktyń eń iri munaı óndirýshi kesheni ornalasqan.
Eldiń kúsh qurylymdaryna silteme jasaǵan IraqiNews portalynyń habarlaýynsha, Iraktyń ishki áskeri «Irak jáne Levanttyń ıslam memleketi» atty sodyrlar tobynyń 200 adamyn óltirdi. Basynda lańkester munaı qubyrlaryn isten shyǵarmaqshy boldy, alaıda áskerı bólimsheler olardyń jolyn kesip úlgerdi. Ótken beısenbide kóptegen BAQ Baıdjı munaı óńdeý zaýyty «Ál-Kaıdamen» baılanysy bar «Irak jáne Levanttyń ıslam memleketi» tobynyń baqylaýyna ótti dep habarlaǵan bolatyn. Alaıda keıin AQSh Memlekettik departamenti atalǵan qala Irak bıliginiń baqylaýynda dep málimdep, atalǵan aqparatty joqqa shyǵardy.
