Iraktyń arnaıy qyzmetteri Islam memleketiniń 40 múshesin qamaýǵa aldy
ASTANA. QazAqparat - Irak eliniń arnaıy qyzmetteri kólemdi is-qımyldar júrgizý barysynda «Islam memleketi» lańkestik tobynyń 40 múshesin qamaýǵa aldy, dep habarlaıdy Frans Press agenttiginen.
Lańkestikke qarsy reıdter Baǵdad pen Dııala provıntsııalarynda ótkeni naqtylanady.
«Jarylǵysh quraldardyń kóp sany, jankeshtilerdiń beldikteri, lańkester júrgen avtomobılder, sondaı-aq qylmystyq belsendilikti qarjylandyrýǵa jumsalǵan aıtarlyqtaı aqsha somasy alyndy», - dep jazady agenttik Irak kúsh qurylymdarynyń málimdemesin.
Seısenbi kúni Iraktyń qarýly kúshteri eldiń Anbar provıntsııasyndaǵy Er-Ramadı qalasyn IM-nen bosatý boıynsha is-qımyldardy bastady. Irak úkimetiniń jasaqtary qalany birneshe kúnniń ishinde bosatýdy kózdep otyr, dep habarlaıdy RIA Novostı.
IM búginde álemdik qaýipsizdiktiń basty qaýipteriniń biri bolyp tabylady. Úsh jyldyń ishinde lańkester Irak pen Sırııa aýmaǵynyń aıtarlyqtaı bóligin basyp aldy. Budan basqa, olar óziniń yqpalyn Soltústik Afrıka, atap ótkende, Lıvııada taratýǵa árekettenip otyr. Túrli baǵalaý boıynsha, IM baqylaýyna alǵan aýmaq 90 myń sharshy shaqyrymǵa deıin jetip otyr. Ekstremıstik uıymnyń sany týraly málimetter 50 myńnan 200 myń sodyrǵa deıin esepteledi.
