Iraktyń arnaıy qyzmeti «Islam memleketiniń» Baǵdadtaǵy uıasyn joıdy
ÁBÝ-DABI. QazAqparat - Jeksenbi kúni Iraktyń barlaý qyzmeti «Islam memleketi» uıymynyń otyz bir múshesin qamaýǵa alǵany týraly málimdedi. Ustalǵan azamattarǵa Baǵdad qalasynda 52 lańkestik áreketti jasaýda aıyp taǵylýda.
Málimdemede Iraktyń arnaıy qyzmetteriniń operatsııasy jergilikti prokýratýra jáne sot bıligi organdarymen ózara is-qımyly arqyly ótkizilgeni aıtylady. «Biz «Islam memleketi» lańkestik tobynyń quramyndaǵy «Baǵdad ýáláıaty» lańkestik tobyn joıdyq. Qamaýǵa alynǵan otyz bir adam Baǵdad qalasynyń, sondaı-aq onyń ońtústik jáne soltústik mańdarynyń turǵyndary bolyp tabylady. Olar 2014 jyly jáne 2015 jyldyń basynda 52 lańkestik áreketti uıymdastyrǵanyn jáne ótkizgenin moıyndady», - delingen Iraktyń arnaıy qyzmetteriniń málimdemesinde.
Qarý, jarylǵysh zattar, jalǵan avtomobıl nómirleriniń kóp sany anyqtaldy. Irak kúsh-qýat vedomstvolarynyń ókilderi sondaı-aq 2015 jyldyń basynan bastap Baǵdadtaǵy shabýyldar sanynyń azaıǵanyn atap ótti. 2013-2014 jyldary Irak astanasyndaǵy lańkestik áreketter týraly aqparat kún saıyn derlik túsip otyratyn.
Ótken jyldyń qazan aıynda Iraktyń federaldyq kúshteri el astanasynan ońtústikke qaraı 50 shaqyrym jerde ornalasqan Djýrf ál-Sahrdy «Islam memleketinen» bosatty. Aǵymdaǵy jyldyń basynda ekstremısterden Baǵdadtan soltústik-shyǵysqa qaraı ornalasqan búkil Dııala provıntsııasy bosatylǵan. Sonyń nátıjesinde jergilikti BAQ-tyń málimetterinshe, Baǵdadtaǵy qaýipsizdik jaǵdaıy jaqsartylyp, aǵymdaǵy jyldyń aqpan aıynda komendanttyq saǵat alynyp tastady.
