Iraktyń Ál-Kýt qalasynda lańkestiktiń saldarynan 30 adam qaza boldy, 80 adam jaralandy
ASTANA. Tamyzdyń 4-i. QazAqparat - Iraktyń ońtústigindegi Ál-Kýt qalasynda lańkestik árekettiń saldarynan qaza bolǵandardyń sany 30 adamǵa jetti.
Al jaralanǵandardyń sany - 80. Polıtsııadaǵy derek kózder men medıtsınalyq qyzmetterge silteme jasaǵan «Ál-Arabııa» telearnasy osyndaı naqtylanǵan málimetter keltirip otyr, dep habarlaıdy ITAR-TASS.
Keshe, tamyzdyń 3-inde Ál-Kýttyń ortalyǵynda mına qoıylǵan eki avtokólik jaryp jiberildi. Eki jarylys ta halyq kóp jınalǵan jergilikti bazardyń mańynda oryn aldy. Jarylys tolqyny jaqyn mańdaǵy dúkenderdiń terezelerin syndyrdy, oqıǵa ornyna jaqyn mańda turǵan kólik quraldaryna da úlken zardap keltirdi.
