Iraktyń soltústiginde Túrkııanyń alty áskerı qyzmetshisi qaza tapty

Iraktyń soltústiginde lańkestermen qaqtyǵys bolyp, Túrkııa Áýe kúshteriniń alty qyzmetshisi qaza tapty, bireýi jaraqat aldy. Bul týraly Túrkııa Ulttyq qorǵanys mınıstrligi málim etti. Kazinform bul týraly Anadolyǵa silteme jasap habarlaıdy. 

— 23 jeltoqsanda lańkester «Pençe-Kilit» operatsııasy aýmaǵyndaǵy bazaǵa kirýge tyrysyp, qaqtyǵysqa ulasty, saldarynan alty qaharman joldasymyz qaza taýyp, bireýi jaraqat aldy. Aldyn ala derekter boıynsha, qaqtyǵys kezinde 13 lańkestiń kózi joıylǵan. Aımaqta operatsııa jalǵasyp jatyr, - delingen Túrkııa Qorǵanys mınıstrliginiń habarlamasynda.

Qorǵanys vedomstvosy qaza bolǵandardyń otbasyna kóńil aıtyp, jaralanǵandar tezirek saýyǵyp ketsin degen tilek aıtty.