Iraktan qashqan amerıkandyq áskerı qashqyn áıelge úkim shyǵaryldy
ASTANA. 2 mamyr. QazAqparat - 2007 jyly AQSh áskerinen qashyp, Kanadaǵa bas saýǵalaǵan Kımberlı Rıvera 10 aıǵa túrmege jabyldy. Bul týraly Associated Press agenttigi habarlap otyr.
Agenttiktiń aqparatyna sáıkes, Rıvera sondaı-aq bultartpas aıǵaqtarmen qarýly kúshter qatarynan qýyldy. Sotta 30 jastaǵy áskerı áıel óz kinásin tolyq moıyndaǵan.
Rıvera 2006 jyly Irakta qatardaǵy jaýynger retinde boryshyn ótegen. 2007 jyly eki aptalyq demalas alǵan ol eline qaıtyp, demalystan keıin qaıtadan Taıaý Shyǵysqa jiberiletinin bilgen soń, Kanadaǵa ótip ketip, sonda saıası baspana suraǵan. Kanadalyq bılik ókilderi onyń ótinishinen bas tartyp, kúıeýimen jáne úsh balasymen deportatsııalaǵan
Sottalýshynyń aıtýynsha, AQSh-tyń Iraktaǵy mıssııasynan kóńili qalǵandyqtan ekinshi ret ol jerge barǵysy kelmegen. Saıttyń málimetinshe, Rıvera Kanadaǵa qashyp barǵan alǵashqy áıel-dezertır. Al erlerdiń arasynda mundaı adamdar 2007-2008 jyldary 200-den asyp jyǵylǵan kórinedi.
