Iraktaǵy jarylystyń qurbandary 42 adamǵa jetti
ASTANA. QazAqparat - Iraktyń ońtústigindegi lańkes-jankeshtiniń shabýyly nátıjesinde opat bolǵandardyń sany 42-ge jetti, kem degende 115 adam jaraqat aldy. Bul týraly jergilikti bılik habarlady.
Oqıǵa jeksenbi tańerteń el astanasy Baǵdattyń ońtústiginde 95 shaqyrym jerde ornalasqan El-Hılla qalasyndaǵy ótkizý beketinde oryn aldy.
Jankeshti shaǵyn avtobýsta jasyrynǵan jarylǵysh qurylǵyny iske qosqan. Osynyń saldarynan 50-ge jýyq kólik órtengen, olardyń kóbinde jolaýshylar otyrǵan kórinedi. Jarylys tolqyny sonymen qatar ejelgi Vavılon arhelogııalyq qazba aýmaǵynda ornalasqan ótkizý beketin de qıratty, dep jazady Associated Press.
BUU málimeti boıynsha tek 2014 jyldyń qańtarynda Anbar provıntsııasyndaǵy jaýyngerlik qaqtyǵystardyń qurbandaryn esepke alamaǵanda, Irakta 733 adam jer jastandy.
