Iraktaǵy jarylystar: 22 adam qazaǵa ushyrady, 100-den astamy jaraqattandy
ASTANA. 15 sáýir. QazAqparat - 15 sáýirde tańerteń Iraktyń ártúrli aýdandarynda birneshe jarylys boldy, onda 22 adam qazaǵa ushyrady, 100-den astamy jaralandy, dep habarlady RBK.
Bul týraly Associated Press jergilikti ókimet oryndaryna silteme jasap habarlaıdy.
Lańkestik aktiler bir mezgilde birneshe qalada, sonyń ishinde Baǵdadta da boldy. Sodyrlar ózderiniń úırenshikti tásilin qoldap, birneshe avtomashınaǵa jarylǵash zattardy saldy. Eki mınalanǵan mashına Baǵdadtyń halyqaralyq áýejaıynyń baqylaý-ótkizý beketinde jaryldy. Oqıǵa saldarynan 2 adam qaza taýyp, 17-si jaralandy.
Osyndaı jarylystar Kırkýk, Týz-Hýrmatý jáne En-Nasırııa qalalarynda da boldy. Kırkýkte jáne onyń mańaıynda avtoturaqtarǵa qoıylǵan avtomashınalar bir mezgilde jaryldy. Týz-Hýrmatlýda úsh, En-Nasırııada - eki mashına kókke ushty.
Keshe Irak qalalarynda lańkestik aktiler tolqyny ótti, olardyń saldarynan keminde 10 adam kóz jumdy, olardyń arasynda jergilikti keńeske óz kandıdatýrasyn usynǵan súnnıt saıasatkeri de bar. Mosýlde bes polıtseı óltirildi.
Irak amerıkandyq áskerler elden shyǵarylǵannan keıingi jergilikti zań shyǵarý organdaryna alǵashqy saılaýǵa ázirlenýde. Daýys berý 2013 jylǵy 20 sáýirge taǵaıyndalyp otyr.
Sodyrlar saılaýdy ótkizbeýge bar kúshin salyp jatyr. Sońǵy kúnderi depýtattyqqa 14 úmitker qaza boldy. Keshe Salaheddın qalasynda jergilikti keńeske kandıdat Muhammed ál-Dýlaımı óltirildi. Belgisiz adamdar ony óz úıiniń janynda atyp ketken.
