Iraktaǵy jarylystan 12 adam qaza tapty
ASTANA. QazAqparat - Senbi kúni Iraktyń Mosýl qalasynda qýatty jarylys boldy. Jankeshti jasaǵan jarylystan 12 adam opat bolyp, 20 adam zardap shekken, dep habarlaıdy TASS.
Irak áskerıleriniń aqparatyna súıensek, jankeshti lańkes urys toqtamaıtyn qalany tastap ketip bara jatqan bir top adamdardyń arasynda ózin-ózi jaryp jibergen.
Zardap shekkenderdiń arasynda áıelder men balalar bar. Eldiń qaýipsizdik qyzmeti shabýyldy «Islam memleketi» terrorıstik toby (Qazaqstan men Reseıde tyıym salynǵan) jasady degen boljamǵa keldi.
IM-di Iraktaǵy úlkendigi boıynsha ekinshi qaladan shyǵaryp jiberý naýqany ótken jyldyń qazan aıynda bastalǵan. Osy ýaqyt ishinde Iraktyń áýe qorǵanys kúshteri men AQSh bastaǵan halyqaralyq koalıtsııanyń áskerı qurylymdarynyń qoldaýymen Shyǵys Mosýldy bosatyp, qalanyń batysyndaǵy birqatar aýmaqty baqylaýǵa aldy.
