Iraktaǵy toıda bolǵan jarylys kezinde 20-dan astam adam mert boldy
ASTANA. QazAQparat - Iraktyń Fallýdja qalasynyń mańyndaǵy toıda bolǵan jarylys kezinde 21 adam mert boldy, dep habarlaıdy rbc.ru jergilikti Almada press basylymyna silteme jasap.
Osy oqıǵa kezinde sonymen qatar taǵy 42 adam dene jaraqattaryn alǵan, dep habarlady Amırııa eldi mekeni ákimshiliginiń basshysy.
Onyń sózinshe, zardap shekkender aýrýhanaǵa jetkizildi. Birneshe adamnyń jaǵdaıy óte múshkil.
Osy oqıǵaǵa baılanysty málimetter boıynsha toı bolyp jatqan kezde jankeshti jarylǵysh zat salynǵan kólikti jaryp jibergen, dep habarlady Bı-bı-sı.
Bıylǵy jyldyń shilde aıynda Baǵdattyń negizinen musylman sheıitter turatyn saýda aımaǵy ornalasqan aýdanynda jarylǵysh zat qoıylǵan avtomobıl jaryldy, dep habarlaıdy Al Arabiya.
Kólikti jankeshti-terrorıst basqarǵan. Jarylystyń saldarynan jaqyn mańdaǵy birneshe ǵımarattan órt shyqty. Osy ýaqytta Irak astanasynyń sheıtter mekendeıtin aýdanynda taǵy bir jarylys bolyp, onyń saldarynan 20 adam zardap shekti.
Keıinirek Iraktyń densaýlyq saqtaý mınıstrligi zardap shekkenderdiń sany 250-ge jetkenin habarlady.
