Iraktaǵy soǵys zardabyn beıbit turǵyndar tartyp jatyr
ASTANA. QazAqparat - Iraktyń Mosýl qalasyndaǵy soǵystan zardap shekkenderdiń deni beıbit turǵyndar. Bıyl munda 683 adam túrli jaraqatpen aýrýhanaǵa túsken, dep jazady «Habar 24».
Birikken Ulttar Uıymynyń málimeti boıynsha, Irak áskeri turǵyndardy arashalap álek. Osy maqsatta aýdandarǵa soqqy jasamaıdy jáne jazyqsyz jandardyń soǵys júrip jatqan aımaqtardan shyǵýy úshin arnaıy dálizder salyp júr.
Beıbit turǵyndardyń qaza tabýyna «Irak pen Levant lańkestik uıymy» kináli. Olar adamdardy tiri qalqan retinde paıdalanady. Aıta keteıik, Mosýl qalasyn eki jyldan beri sodyrlar basqaryp keledi. Búginde shahardy azat etý úshin lańkesterge qarsy aýqymdy operatsııa bastalǵan.
