Iraktaǵy soǵys AQSh-qa qymbatqa tústi - Djozef Baıden
ASTANA. Aqpannyń 15-i. QazAqparat - Iraktaǵy soǵys AQSh-qa qymbatqa tústi. AQSh vıtse-prezıdenti Djozef Baıden osylaı málim etti,
dep habarlaıdy ITAR-TASS agenttigi.
«Soǵys bizge tym aýyr tıdi. Bul jerde tek adam qazalary týraly sóz bolyp otyrǵan joq», - dedi Dj.Baıden CNN telekompanııasyna bergen suhbatynda. Onyń aıtýynsha, soǵys o bastan durys júrgizilmegen. Biraq, eń bastysy, Iraktaǵy soǵysty ashqan AQSh Aýǵanstandy nazardan shyǵaryp aldy, al osyny paıdalanǵan tálibter eldegi óz jaǵdaılaryn nyǵaıtyp otyr, dep sanaıdy ákimshilik basshysynyń orynbasary. «Biz álem elderiniń qoldaýynan aıryldyq. Jáne ony qaıtarý úshin kóp kúsh-jiger jumsaldy», dep jalǵastyrady oıyn Baıden myrza.
Qalaı bolǵanda da, búginde Iraktaǵy jaǵdaı turaqtanyp keledi, - deıdi senimmen AQSh vıtse-prezıdenti. «Biz jazdyń aıaǵyna deıin 90 myń jaýyngerdi elge qaıtara alamyz. Irakta saılaý tabysty ótip, oǵan súnnıtter de, shııtter de, kúrdter men basqa da az ulttyń ókilderi belsendi atsalysady dep boljaı alamyn», - deıdi Dj.Baıden.
