Iraktaǵy lańkestik saldarynan 25 adam qaza taýyp, 52 adam jaraqattandy
ASTANA. 17 jeltoqsan. QazAqparat - Baǵdadtyń ońtústik aýdanynda bolǵan lańkestik áreket saldarynan 25 adam qaza taýyp, 52 adam jaraqattandy, dep habarlaıdy RBK.
Zardap shekkenderdiń kóbisi sheıitter. Lańkestik te solarǵa qarsy uıymdastyryldy. Sheıitter Baǵdadtan ońtústikke qaraı 110 shaqyrym jerde Kerbala qasıetti qalasyna bara jatqanda eki mına qoıylǵan avtokólik jaryldy, dep habarlaıdy polıtsııa.
Bir de bir uıym bolǵan oqıǵaǵa jaýapkershilikti óz moınyna alǵan joq, alaıda, mundaı áreketterdi eldegi "Al-Kaıdanyń" ár túrli bólimsheleri jıi uıymdastyratyny belgili.
Keshe kúndiz qandy qaqtyǵystar tolqýy saldarynan Irakta búkil el boıynsha 42 adam qaza taýyp, 86 adam zardap shekti. Baqylaýshylardyń paıymynsha, lańkestik toptardyń, jergilikti jasaqtar men úkimet áskerleriniń mundaı teke-tiresteriniń arty kádimgi dinı soǵysqa ulasýy múmkin.
Iraktaǵy BUU mıssııasynyń baǵalaýynsha, bul elde 2013 jylǵy qańtar-qarasha aralyǵynda 8 myńnan asa adam opat bolǵan.
